FIER-Arrestohet në flagrancë një 41-vjeçar pasi shiste kanabis në doza të vogla. Atij iu gjetën në banesë 865 gramë kanabis e ndarë në 114 doza të vogla.
Operacioni antidrogë i koduar "Paketimi" është realizuar në bazë të të dhënave nga banorët, ku u arrestua K. C., banues në Lushnjë. Arrestimi ndodhi në lagjen "Kadri Qystri" në Lushnjë, ku 41-vjeçari do t'i shiste lëndën narkotike të bërë gati në doza, personit me iniciale T. Dh.
Në lidhje me ngjarjen u vu nën hetim T. Dh., 53 vjeç, banues në Lushnjë, i cili dyshohet se do të blinte lëndën narkotike. Gjithashtu u sekuestruan në cilësinë e provës materiale një peshore elektronike që shërbente për të bërë gati në doza të vogla lëndën narkotike, një aparat celular dhe një sasi parash.
Sipas policisë, ,materialet i kaluan Prokurorisë pranë Gjykatës së Shkallës së Parë Lushnjë, për veprat penale "Prodhimi dhe shitja e narkotikëve" dhe "Nxitja për përdorimin e drogës.
Foto nga kanabisi, paratë e telefoni i sekuestruar
