FIER- Një 62-vjeçar ka humbur jetën pasditen e sotme në Levan, pasi humbi kontrollin e mjetit që po drejtonte. Mësohet se viktima me iniciale Ll.P., ka qenë duke drejtuar një mjet bujqësore tip Zetor, kur doli nga rruga duke gjetur vdekjen e menjëhershme.
Dëshmitarët e vendit të ngjarjes, njoftuan policinë dhe ambulancën, por çdo gjë ishte e kotë pasi 62-vjeçari ndërroi jetë menjëherë si pasoje e plagëve të marra. Grupi hetimor po punon për zbardhjen e plotë të ngjarjes.
Informacion paraprak
Në datën 07.06.2018, rreth orës 19:40, në fshatin Levan, Fier, në një rrugë dytësore, Levan-Frakull, shtetasi Ll.P, 62 vjeç, banues në Levan, duke drejtuar mjetin bujqësor zetor me tre rrota, ka dalë nga rruga.Si pasojë ka gjetur vdekjen e menjëhershme drejtuesi i mjetit.Grupi hetimor po punon për zbardhjen e plotë të ngjarjes.