FIER- Godina e Sigurimeve Shoqërore në Fier është përfshirë nga flakët mëngjesin e sotëm. Flakët janë konstatuar rretho orës 07:20 të mëngjesin të sotëm në katin e parë të kësaj godine duke djegur jo plotësisht disa dosje, siç mund të shihet në pamjet e sjella nga Report Tv.
Sefja e Arkivës së Përgjithshme, Vilma Ndreko bëri me dije se nga flakët janë djegur një pjesë e dokumentacionit të përditshëm duke siguruar qytetarët se dokumentet e vjetërsisë së tyre në punë nuk kanë pësuar asnjë dëmtim pasi janë në një tjetër godinë.
"Zjarri që ka rënë nuk është në arkivën e Sigurimeve, pra nuk ka prekur dokumentacionin e vjetërsisë në punë të qytetarëve të Fierit, por ato të përdorimit të përditshëm. Qytetarët duhet të jenë shumë të sigurt se dokumentacioni i vjetërsisë së punës është në Arkiv në një godinë tjetër nga ajo e Sigurimeve Shoqërore", tha
Paraprakisht dyshohet se shkak ka qenë një shkëndijë elektrike. Në vendngjarje shkuan shërbimet e policisë dhe forcat zjarrfikëse të cilat bënë të mundur fikjen e zjarrit.
"Sot rreth orës 07:20, në lagjen “15 Tetori” ne katin e parë të Sigurimeve Shoqërore, ka rënë zjarr. Në vendngjarje shkuan shërbimet e policisë dhe forcat zjarrfikëse të cilat bënë të mundur fikjen e zjarrit. Paraprakisht dyshohet se shkak ka qenë një shkëndijë elektrike. Grupi hetimor po punon për zbardhjen e plotë të ngjarjes", njofton policia.
Komente
