Dhuna terroriste ka përgjakur Filipinet në prag të Krishtlindjes.
Dje në mbrëmje një bombë shpërtheu jashtë katedrales së Cotabato, një qytet në ishullin Mindanao në jug të Filipineve.
Nga shpërthimi u plagosën 12 ushtarë që patrullonin përreth kishës, një nga masat e sigurisë të marra me rastin e festave të Krishtlindjeve.
Një sulm i dytë me bombë ndodhi në një distancë të shkurtër, pak minuta pas sulmit të parë.
Dy shpërthime të tjera pasuan dy të parat, një në provincën e Maguindanao dhe tjetra pranë një poste policie. Prej shpërthimeve u plagosën në total 22 persona, shumë prej të cilëve në gjendje të rëndë.
Sipas autoriteteve policore, sulmet terroriste janë kryer nga "Luftëtarët e Lirisë Islame” të lidhur me të vetëquajturin "Shteti Islamik" (ISIS).
Komente
