AUSTRI - Skiatorja Lara Colturi që përfaqëson Shqipërinë është renditur e 16-ta në botë në garën e parë të Botërorit të Skive që nisi këtë të shtunë në Soelden të Austrisë.
Në disiplinën e Slalomit Gjigant, italiania e natyralizuar si shqiptare mundi të jetë brenda pritshmërive dhe të futet mes 20 më të mirave në botë nga 100 skiatoret që marrin pjesë.
Në lëshimin e parë ajo e mbylli me kohë 1:08.39, ndërsa në të dytën 1:09.85, duke e mbyllur me 2.19 sekonda pas vendit të parë. Ndërkohë Lara ka siguruar 15 pikët e para në Botërorin e këtij viti.
Gara e Austrisë ishte e para mes 20-të pistave ku do mbahet Kupa e Botës për këtë vit. Kujtojmë se ky format vjen në formën e një kompeticioni që zhvillohet në 20 vende të botës dhe 17-vjeçarja Lara Colturi shpreson të bëjë mirë duke dashur të jetë mes 15 vendeve më të mira në renditjen finale, aty ku ka më pas shanse për medalje.
Renditja në garën e parë
