Në mbarë globin, fishekzjarret ndriçuan qiellin e natës ndërsa festuesit i dhanë mirëseardhjen Vitit të Ri 2025. Ndër vendet e para që festuan ishin Zelanda e Re dhe Australia, me fishekzjarrët mbresëlënës mbi Kullën Sky në Auckland dhe Urën e Portit në Sidnei.
Festimet vazhduan në Azi, ku shfaqje të ngjashme u panë në Portin Victoria të Hong Kongut dhe kullën ikonike Taipei 101 në Tajvan.
Edhe Lindja e Mesme iu bashkua atmosferës festive. Pavarësisht përmbysjes së regjimit Assad dhe pasigurisë për të ardhmen, sirianët gjetën kohë për të festuar.
Festimet u shtrinë më pas në Europë, me fishekzjarrë shumëngjyrësh pranë Portës Brandenburg në Berlin dhe në London Eye në kryeqytetin britanik.
Amerika u përfshi nga festimet me mijëra njerëz të mbledhur në plazhin Copacabana në Rio de Janeiro dhe në Times Square të Nju Jorkut, ku tradicionalisht u mbajt ceremonia e famshme e rënies së topit.
Mirëpritja e Vitit të Ri zgjat plot 26 orë për shkak të 39 zonave të ndryshme kohore në botë. I pari që feston është Ishulli i Krishtlindjes në Kiribati, një shtet ishullor në Oqeanin Paqësor Qendror. Ndërkohë, vendet e fundit që i bashkohen festimeve janë Haëaii, Samoa Amerikane dhe disa nga ishujt e largët të SHBA-së.
Viti i Ri në SHBA
Viti i Ri në Mbretërinë e Bashkuar
Viti i Ri në Kinë
Viti i Ri në Australi
Viti i Ri në Indonezi
Viti i Ri në Emiratet e Bashkuara Arabe
Viti i Ri në Egjipt
Viti i Ri në Japoni
Viti i Ri në Filipine
Viti i Ri në SHBA
Viti i Ri në Indi
Viti i Ri ne Tajvan
Viti i Ri në Ukrainë
Viti i Ri në Siri
Viti i Ri në Lituani
Viti i Ri në Brazil
Komente
