Trajneri i Barcelonës, Xavi Hernandes ka folur pasi fitoi trofeun e tij të parë me Barcelonën. Ai deklaroi se ishte shumë i lumtur me paraqitjen e lojtarëve të Barcelonës në finalen e Superkupën e Spanjës.
“Jam shumë i lumtur. Më intereson shumë se si fitojmë. Është e rëndësishme të fitojmë, por duhet të mendojmë se si ia dolëm. Ne i dominuam ata nga fillimi në fund. Ky ishte plani ynë me katër mesfushorë, dhe funksionoi shumë mirë. Jam shumë i lumtur për lojtarët. Kjo skuadër ka marrë shumë kritika të padrejta dhe sot shumë lojtarë e kanë lënë veten të lirë. Ata do të punojnë më me qetësi pas kësaj ndeshje”-tha Xavi.
Ai foli edhe për paraqitjen e talentit të ri spanjoll, Gavin të cilin e konsideroi spektakolar.
“Gavi është spektakolar. Ai kurrë nuk mund të ndalojë së rrituri, ne të gjithë e dimë këtë. Këto vite kanë qenë kaq të vështira, me vështirësitë tona financiare, me largimin e Messit”- shtoi Xavi.
Mes të tjerash ai theksoi se një ndër arsyet e fitores ishte fakti që Barcelona ishte shumë më superiore se Real Madrid në mesfushë.
“Kam qenë këtu për kaq shumë vite dhe e di se sa shumë vuajnë lojtarët kur gjërat nuk shkojnë mirë. Sot është fillimi i një dinamike të re pozitive. Sot fituam sepse ishim superiorë në mesfushë”- përfundoi ai.
Komente
