Loris Karius pritet të jetë largimi i radhës nga Newcastle United. 29-vjeçari prej verës së 2022 është pjesë e klubit të Premier League, teksa nuk ka hapësira për të në ekip. Rikthimi i Martin Dubravkës nga huazimi ka bërë që emrat për portën e Newcastle të shtohen, gjë që pritet të sjellë edhe largimin e Karius.
Në kontratën e firmosur mes palëve është një klauzolë që thotë se deri në 16 janar të katij viti, klubi do duhet të vendosë për të ardhmen e portierit.
Loris Karius nuk ishte i përfshirë në asnjë nga 18 ndeshjet e Premier League që klubi i tij ka luajtur deri më tani në sezonin 2022/2023. Karius u shfaq për herë të fundit në një ndeshje më 28 shkurt 2021, duke luajtur 90 minuta për Union Berlin kundër Hoffenheim në një barazim 1-1.
Në Premier League sezonin e kaluar, Karius nuk luajti asnjë ndeshje për Liverpool. Para se të transferohej te Newcastle United në shtator 2022, Karius luajti 29 paraqitje në në total me Liverpool të ndara në disa vite. Në të tilla kushte, Karius pritet të kërkojë një ekip të ri.
Pas dashurisë me gazetaren italiane Diletta Leotta, Karius duket se nuk po gjen paqe në anën profesionale.
S.DH/ReportTv.al