Njëjtë si kryedemokrati Lulzim Basha, edhe kryetarja e LSI-së, Monika Kryemadhe duke shprehur me bindje që do të jetë në qeverinë e ardhshme, ka uruar Albin Kurtin për fitoren dhe mundësinë e mirë të bashkëpunimit mes dy vendeve. Kryemadhi thekson se zgjedhjet e 14 shkurtit treguar demokracinë e vendit.
“Kosova dhe qytetarët e saj zhvilluan një proces zgjedhor shpresëdhënës këtë 14 shkurt, që edhe nën sfidën e pandemisë, u dominuan nga kultura demokratike për respektimin e vullnetit të sovranit.
Urime Lëvizjes Vetëvendosje!, Albin Kurtit dhe Vjosa Osmanit për fitoren bindëse.
Suksese parlamentit dhe qeverisë së re, me bindjen se do t'i japin një ritëm më të shpejtë zhvillimeve pozitive për forcimin e shtetit të Kosovës dhe integrimit të tij në arenën ndërkombëtare.
Mirëpres mundësinë që me qeverisjen e re të Shqipërisë, të jemi krah për krah për bashkëpunim real dhe integrim në të gjitha planet me Kosovën, duke synuar një të ardhme më të mirë të qytetarëve tanë”, shkruan Kryemadhi.
Lajmi kryesor:
Fitorja e Vetëvendosjes/ Rama: Shpresoj për qeveri të qëndrueshme! PD e LSI: Qeveria jonë do jetë krah me Kosovën! U hap një faqe e re
B.K./ReportTv.al