Monaco fitoi të enjten 2-1 kundër Barcelonës në turin e parë të Champions League. Tri pikë skuadrës nga Principata ia dha talenti nigerian George Ilenikhena. 18-vjeçari u fut në pjesën e dytë dhe ia doli të mposhtë Ter Stegen.
George Ilenikhena është bërë kështu golashënuesi më i ri në histori të Monacos në garën elitare evropiane të klubeve.
Por, goli i tij nuk është thjesht goli i fitores. Duke shënuar kundër Barçës, Ilenikhena theu një rekord të vendosur nga Kylian Mbappe te Monaco në vitin 2017, kur ai shënoi kundër Manchester City, për t’u bërë golashënuesi më i ri i Monacos në Ligën e Kampionëve.
Mbappe ishte 18 vjeç e 63 ditë kur vendosi rekordin te Monaco, ndërsa Ilenikhena është një muaj më i ri sesa francezi kur shënoi golin e parë. Ilenikhena u emërua më vonë lojtari i ndeshjes duke marrë çmimin ‘MVP’.
George Ilenikhena
