Dy prokurorët Olsian Çela dhe Besim Hajdarmataj pasi fituan gjyqin me eproren e tyre Arta Marku në Administrative kërkojnë të rikthehen pranë Krimeve të Rënda në Tiranë. Kjo kërkesë e cila është shqyrtuar këtë të premte në Këshillin e Lartë të Prokurorisë ska marrë pëlqimin e shumicës së anëtarëve për të dalë në një vendim dhe është lënë të rishqyrtohet më 7 Janar 2019.
Olsian Çela dhe Besim Hajdarmataj pas përplasjes për dosjen Shullazi u transferuan në Berat e Pogradec, ndërsa pas padisë në gjykatë ata fituan pasi gjykata shpalli të paligjshëm urdhërat e Arta Markut.
Paçka vendimit të shkallës së parë deri në vendimin final të KLP-s apo të një vendimi të Gjykatës së Apelit Adminsitrativ në rast ankimimi prokurorët do të vazhdojnë të ushtrojnë detyrën në Berat e Pogradec. Report Tv ka mësuar se zyrat e KLP-s do të atashohen në katin e 6 të ministrisë së drejtëissë aty ku dikur kanë qenë zyrat e avokatisë.
Për më shumë detaje lidhur me fitimin e gjyqit në Gjykatën Administrative nga prokurorët ‘rebelë’ (LEXO KËTU)
