Kronikë

VIDEO/ Flakët përpijnë autobusin në dalje të tunelit të Kardhiqit, ‘reja’ e tymit mbulon zonën! Pasagjerët të trembur, shpëtojnë mrekullisht

5 Prill, 11:49| Përditesimi: 5 Prill, 13:02

  • Share

Një autobus ka shpërthyer në flakë sapo del nga tuneli Kardhiqit. Report Tv sjell pamjet ku dallohet se si flakët kanë përpirë totalisht autobusin e linjës Sarandë-Tiranë.

Në pamje dallohet edhe shtëllunga e madhe e tymit që ka mbuluar zonën. Fatmirësisht pasagjerët kanë arritur të dalin në kohë dhe ndodhen në gjendje të mirë shëndetësore.

Shkak i flakëve dyshohet se është bërë një shkëndijë elektrike, ndërsa brenda janë djegur edhe sende personale të pasagjerëve. 

"Sot, rreth orës 11:40, pranë tunelit të Skërficës, dyshohet se, si pasojë e një defekti në motor, ka marrë flakë në ecje një autobus me udhëtarë, i linjës Sarandë-Tiranë, me drejtues shtetasin G. A.Si pasojë, janë shkaktuar vetëm dëme materiale dhe nuk ka persona të dëmtuar", njofton policia. 

Grupi hetimor ndodhet në vendngjarje dhe po punon për zbardhjen e plotë të rrethanave të rastit.

SI.E./ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?