Flamurtari i Vlorës rikthehet në Kategorinë e Parë. Me fitoren 4-1 përballë Luftëtarit të Gjirokastrës, Flamurtari arrin të ngjitet në kategorinë e parë pas vetëm një sezoni në Kategorinë e Dytë.
Vlonjatet kane fituar bindshëm ndaj Luftetarit, teksa kanë mbyllur pjesën e parë në shifrat 2-0 me golat e realizuar nga Bicaj dhe Olivera.
Ne pjesën e dytë Luftëtari ngushtoi fillimisht shifrat në 2-1 pas një penalltie të fituar dhe shndërruar në gol, por vlonjatët u rikthyen sërish drejt thellimit të avantazhit. Celhaka dhe Diamanti shënuan edhe dy gola të tjerë duke mbyllur gjithçka me rezultatin 4-1.
Tashmë vlonjatët janë 8 pikë larg vendit të dytë kur mbeten edhe dy ndeshje, e ndërsa edhe matematikisht siguruan ngjitjen në Kategorinë e Parë.
Pas ndeshjes traineri Dritan Resuli ka theksuar se ishte një sezon në terrene të vështira por grupi i futbollistëve bëri që ekipi tashmë të jetë një kategori më lart dhe do të niset të mendohet që tani për sezonin tjetër.
