TIRANË - Flamurtari ka nisur sezonin 2025-26 me trofe, duke fituar të hënën Superkupën e Shqipërisë në basketboll për vajza. Skuadra vlonjate triumfoi në finale ndaj Tiranës me rezultatin 79-69, në një ndeshje të luajtur në 'Feti Borova'.
Takimi u dominua prej fillimit nga vajzat kuqezi, të cilat e mbyllën periodën e parë me epërsi të qartë, 30-13. Tirana reagoi disi në periodën e dytë, por në pushim Flamurtari mbante avantazhin 49-37. Në pjesën e dytë, vlonjatet administruan qetësisht diferencën prej 12 pikësh dhe nuk e vënë asnjëherë në dyshim suksesin.
Një detaj i veçantë erdhi nga pankina bardheblu,ku trajnerja Mirza Alibegaj vendosi t’i jepte hapësirë talenteve të reja, duke aktivizuar në finale Byberin (12 vjeç) dhe Filopatin (14 vjeç), dy basketbolliste që konsiderohen e ardhmja e klubit.
Komente
