Komisioni Qendror i Zgjedhjeve ka publikuar 4 variantet e fletës së votimit për zgjedhjet e 25 prillit. Njëra nga këto fletë votimi do të përzgjidhet nga KQZ.
Në fletën e votimit në të gjitha variantet, kandidatët për deputetë janë me numra ndërsa në krye të fletës është dhe emri dhe logo e partisë apo koalicionit. Ajo që bie në sy është se në asnjë nga modelet e mësipërme nuk është përdorur varianti i Kosovës.
KQZ ka marrë si shembull në fletën e Votimit, qarkun e Tiranës që ka numrin më të madh të kandidatëve dhe fleta e votimit duhet të ketë 36 emra kandidatësh përveç partive politike.
Më 18 mars është hedhur shorti në KQZ për renditjen e subjekteve në fletë, ku partia Social-Demokrate është renditur e para në fletë. Partia Socialiste do të mbajë numrin 12 në fletën e votimit, ndërsa Partia Demokratike dhe koalicioni Aleanca për Ndryshimi do të mbajë numrin 9 në fletën e votimit.
Shorti është hedhur për 12 partitë politikë, ndërkohë që në zgjedhjet e 25 prillit do të marrin pjesë edhe 5 kandidatë të pavarur, të cilët do të renditen pas subjekteve politike në Qarqet ku ato kandidojnë.
Renditja e partive:
- Partia Social Demokrate 1
- Partia Balli Kombëtar 2
- Lëvizja Demokratike Shqiptare 3
- Bindja Demokratike 4
- Aleanca Ora Kombëtare – Emigracioni – Bashkimi Popullor dhe Konservatorët 5
- Lëvizja Socialiste për Integrim 6
- Nisma Thurje 7
- Partia Lëvizja e Re 8
- Partia Demokratik dhe Aleanca për Ndryshim 9
- Aleanca Demokracia e Re 10
- Lëvizja për Ndryshim 11
- Partia Socialiste 12
Fondi i vënë në dispozicion nga buxheti i shtetit për financimin e fushatës zgjedhore të partive politike në zgjedhjet e 25 prillit, është 2 herë më i madh krahasuar me zgjedhjet e kaluara. Kështu, KQZ bën me dije se në total partive do u shpërndahen 130,000,000 lekë, ku pjesën me të madhe e merr PS, e ndjekur nga PD, si subjektet politike që kanë marrë më shumë vota në 2017.
1. Partia Socialiste e Shqipërisë 764, 750 vota 48.34%
2. Partia Demokratike 456,413 vota 28.85%
3. Lëvizja Socialiste për Integrim 259,934 vota 16.69%
4. Bindja Demokratike 20,350 vota 2.67%
5. Partia Social Demokrate 22,320 vota 1.43%
6. Partia Republikane 53,784 vota 3.44%
7. Partia Lëvizja për Zhvillim Kombëtar 19,644 vota 1.26%
8. Partia Drejtësi, Integrim dhe Unitet 76,069 vota 4.81%
9. Partia Fryma e Re Demokratike 29,984 vota 1.92%
10. Partia Demokristiane e Shqipërisë 20,271 vota 1.30%
Në përllogaritjen e vlerës së votës janë përfshirë edhe partitë politike të cilat kanë plotësuar kushtin e tejkalimit te kufirit prej 1% por që nuk do të përfitojnë fonde për shkak të mosregjistrimit të tyre ne zgjedhjet per kuvendin të datës 25 prill 2021.
1. Partia Demokracia Sociale (PDS) 20.064 vota 1.28%
2. Partia Socialiste e Vërtetë 91 (PSV91) 17.465 vota 1.12%
3. Partia Lista e Barabartë (LIBRA) 19.806 vota 1.25%
