Bregu lindor i gadishullit të Floridës është goditur nga uragani i kategorisë 1 Nicole me erëra që shkojnë deri në 120 km/h, duke lënë mijëra familje pa energji dhe duke detyruar autoritetet të urdhërojnë evakuime, raporton CNN.
Sipas raportimeve, Uragani Nicole shkaktoi rrëshqitje dheu përgjatë bregdetit në lindje të Floridës, në orët e hershme të së enjtes.
Më shumë se 233,000 shtëpi dhe biznese në të gjithë Florida kanë mbetur pa energji elektrike që nga ora 7:33 e mëngjesit me orën lokale, sipas gjurmuesit të shërbimeve Poweroutage.us.
Autoritetet vendase paralajmëruan se ngritja e nivelit të ujit të detit shkaku i stuhisë mund të shkatërrojë edhe më tutje shumë plazhe që kanë mbetur të dëmtuara nga uragani Ian në shtator.
Mbi 1,200 fluturime gjithashtu janë anuluar brenda dhe jashtë SHBA-së për shkak të uraganit.
Kjo është e treta herë që nga viti 1853 që goditet nga një uragan në muajin nëntor. Uraganet e mëparshme ishin uragani Yankee në vitin 1935 dhe uragani Kate në vitin 1985.
