Një linjë fluturime e rregullt që lidh Shqipërinë me Izraelin. Ka qenë vetë kompania izraelite Sundor, degë e EL AL Israel Airlines, e cila ka njoftuar se duke filluar nga 31 marsi i këtij viti do të nisë fluturimet me Shqipërinë.
Kompania fton të gjithë që të rezervojnë një fluturim dhe të përjtojnë eksperiencën që e gjuan magjike vetëm 2 orë e gjysmë lart.
Njoftimi është shpërndarë nga Kryeministri Rama i cili shkruan se ky është një lajm fantastik për vendin tonë. Ai ka ravijëzuar se një e ardhme e përbashkët bashkëpunimi dhe respekti reciprok mund të çojë në mundësi të jashtëzakonshme për të dy vendet.
Rama ka vijuar duke thënë se fluturimet direkte jo vetëm që e bëjnë udhëtimin më të përshtatshëm, por gjithashtu hapin dyert për shkëmbime kulturore, turizëm dhe mundësi biznesi, ndërsa ka vlerësuar edhe presidentin izraelit Herzog, i cili solli një grup sipërmarrësish izraelitë në Shqipëri dhe ka inkurajuar bashkëpunim dhe mundësi të reja.
This is wonderful news for strengthening further the ties between Israel and Albania! Direct flights not only make travel more convenient but also open doors for cultural exchange, tourism, and business opportunities. The historical bond between the two nations, including… pic.twitter.com/hklZwgTr4Y
— Edi Rama (@ediramaal) January 8, 2025
Postimi i Ramës në X:
Ky është një lajm fantastik për forcimin e lidhjeve mes Izraelit dhe Shqipërisë! Fluturimet direkte jo vetëm që bëjnë udhëtimin më të thjeshtë, por hapin mundësi për shkëmbime kulturore, turizëm dhe mundësi biznesi. Lidhja historike mes dy shteteve, përfshirë rolin heroik të Shqipërisë në strehimin e hebrenjve gjatë Luftës së Dytë Botërore, është një bazë e fortë për një lidhje më të qëndrueshme.
Inkurajimi i izraelitëve për të zbuluar bukuritë natyrore të Shqipërisë, traditat e saj të pasura dhe ekonominë në zhvillim do të kontribuojë në forcimin e miqësive dhe partneriteteve të forta. Një e ardhme e përbashkët e bashkëpunimit dhe respektit të ndërsjellë mund të sjellë mundësi të jashtëzakonshme për të dyja vendet. Për shumë momente të paharrueshme dhe një miqësie që po lulëzon.
Faleminderit, një njeriu të jashtëzakonshëm, një lideri frymëzues dhe mikut tim të dashur Isaac Herzog për sjelljen e një grupi të shkëlqyer sipërmarrësish izraelitë në Shqipëri dhe për fjalët e tij inkurajuese për komunitetin hebre të biznesit, duke i nxitur ata ta shohin Shqipërinë si një vend vëllazëror mundësish.
Komente
Sa mire, do shkojme te mesojme edhe ne si vriten gra e femije.
Përgjigjukujdes o gjatosh se mos behet befasisht dhe Shqiperia "toke e premtuar"
Përgjigju