Fokaçe me ullinj
Përbërësit:
- 500 gr miell
- 300 ml ujë i vakët
- 7 gr maja e thatë / 20 gr maja e freskët
- 2 lugë gjelle vaj ulliri
- 1 lugë çaji kripë
- 1 lugë çaji sheqer
- 100 gr ullinj
- 1 lugë çaji rigon ose trumzë
- Kripë e trashë për sipërfaqen
Përgatitja:
Në një tas përziejmë ujin e vakët me majanë dhe sheqerin. E lëmë të pushojë për 5-10 minuta, derisa të shkumojë. Shtojmë miellin, kripën dhe vajin e ullirit. I përziejmë mirë dhe më pas e kalojmë në një sipërfaqe të lyer me pak miell për ta punuar brumin për rreth 10 minuta, derisa të bëhet elastik dhe i butë. E mbulojmë me një pecetë dhe e lëmë të vijë për 1 orë derisa të dyfishohet në vëllim. Pasi brumi të ketë ardhur, e shtrijmë në një tavë të lyer me vaj ulliri, duke e shtypur lehtë me gishta për të krijuar gropëza të vogla. Shtojmë ullinjtë në sipërfaqe, duke i shtypur pak që të futen në brumë. E spërkatim fokaçen me vaj ulliri dhe pak kripë të trashë dhe e vendosim në furrë të parangrohur në temperaturën 200°C për rreth 20-25 minuta, derisa të marrë një ngjyrë të artë.
Komente
