KROACI- Një moment i po aq gazmor aq dhe i pakëndshëm ka ndodhur gjatë një deklarate për shtyp të sulmuesit Ante Rebic për mediat vendase. Teksa 25- vjeçari ishte duke folur në gjuhën kroate, bashkëkombasi i tij i bërtet nga larg 'Fol italisht'. Në fillim Ante Rebic e mori me sportivitet, por më pas i la gazetarët me mikrofon në dorë duke e lënë përgjysmë deklaratën.
Kjo situatë ndodhi pasi Ante Rebic do të transferohet nga Gjermania në Itali, ku do të luajë për Milanin në formë huazimi dhe i duhet patjetër të mësojë italishten. Ivan Perisic e ka kaluar të njëjtën situatë në vitin 2015, kur u transferua nga Wolfsburg tek Inter.
Të dy lojtarët për ironi të merkatos kanë shmangur mundësinë e të qenurit 'armiq'. Nëse Ivan Perisic nuk do të huazohej tek Bayern Mynih, dy kroatët do ishin përballë në derbin Inter- Milan. Por nëse Rebic nuk do të huazohej në Milan do të kishim përballje kroatësh në sfidat Bayern Mynih- Eintracht Frankfurt.
Gjithsesi ata janë shokë skaudre tek Kombëtarja kroate. Nesër luajnë në Sllovaki ku i duhet patjetër një trepikësh për t'u larguar nga vendi i tretë dhe për të kapur Hungarinë.
Komente
