Milani dhe Interi përballen sot në orën 21:00 në gjysmëfinalen e parë të Kupës së Italisë në derbi. Goglat e deshën që dy skuadrat të jenë në këtë tur dhe vetëm njëra prej tyre të marrë biletën për finalen e madhe.
Interi, që kryeson Serie A ndodhet në një formë më të mirë sportive dhe është i avantazhuar ndaj 'kushërinjve' të qytetit, ndërsa kërkon të 'marrë hak' edhe për finalen e humbur kundër Milanit në Superkupën e Italisë në fillim të këtij viti.
Nga ana tjetër te Milani kërkojnë të bëjnë surprizën, me ndeshjet që do jenë dy dhe mund të duhen më shumë se 180 minuta për të përcaktuar finalistin e madh.
Trajneri Simone Inzaghi i Interit pritet të luaj me Martinez në portë, ndërsa në mbrojte do jenë De Vruj, Bisseck dhe Bastoni, mesi i fushës do përbëhet nga Frattesi, Barella dhe Calhanoglu, ndërsa nga krahët Darmian dhe Augusto. Sulmi do përbëhet nga Correa dhe Thuram, teksa mungon kapiteni Martinez.
Inzaghi ka kërkuar kujdes nga të tijtë në një sfidë që mund të rezultojë delikate.
‘’Milani është skuadër e fortë, me cilësi dhe mund t’i hapë probleme çdo ekipi. Ata kanë pasur vështirësi të mëdha këtë sezon, por duhet të jemi të kujdesshëm. Milani, ashtu si Interi synon të kualifikohet për në finale. E dimë se çfarë lojë na pret dhe sa e rëndësishme është ndaj Milanit, në një derbi ku ka dëshirë të madhe për t’u luajtur. Përballë kemi një kundërshtar me cilësi që na ka vënë në vështirësi këtë vit’’, tha Inzaghi.
Kristjan Asllani nuk do të jetë në këtë sfidë pasi mungon për shkak të pezullimit.
Nga ana tjetër, Milani pritet të luajë në portë me Maignan, ndërsa katërshja e mbrojtjes do përbëhet nga Walker, Gabbia, Thiaw dhe Theo. Në mesfushë, Reijnders e Fofana, teksa më të avancuar do jenë Leao, Pulisic e Jimenez, në mbështetje të Abraham.
Trajneri i Milanit, Sergio Conceicao ka pranuar se ai nuk është “më i lumturi në botë” pas humbjes me rezultat 2-1 të Milanit kundër Napolit në Serie A të dielën, që i mban kuqezinjtë në vendin e nëntë në tabelë. Para sfidës me Interin ai ka karikuar të tijtë.
‘’Kanë qenë ndeshje të rëndësishme për ne. Situatat janë të ndryshme, me lojtarë të ndryshëm në fushë. Do të shohim nëse mund të kemi një lojë të mirë nesër, le të shohim se çfarë mund të bëjë Interi.
Ata janë një ekip shumë i fortë me një lojë solide dhe një trajner që ka qenë atje për një kohë të gjatë. Por ne duam të fitojmë. Është në dorën time të vendos se si ta bëjmë një 11-she dhe që ata që janë në stol të hyjnë dhe të luajnë mirë. Nëse do të mund të luaja me 26 titullarë, do ta bëja, por kjo nuk është e mundur’’, tha Conceiçao.
Komente
