KOSOVË- Albin Kurti ka siguruar deri më tani 51 vota për miratimin e qeverisë së re në seancën e parë të parlamentit në 15 Prill. Kreu i Lëvizjes Vetëvendosje vijon takimet me partitë e vogla të pakicave joserbe për të kërkuar mbështetje për krijimin e qeverisë. Këtë të enjte, 3 prill, ai priti në zyrën e tij kryetaren e partisë boshnjake Bashkimi Socal Demokrat SDU Duda Balje dhe Veton Berishën e Partisë Liberale Egjiptiane.
Me të dy, Kurti zhvilloi diskutime por nuk mori konfirmim për bashkëpunim, ndërsa me ta do të zhvillojë sërish takime për të adresuar kërkesat e tyre. Një ditë më herët Kurti u takua me Emiliaj Rexhepin, Nenad Rashiq dhe Elbert Krasniqin, krerët e disa partive të tjera të pakicave që fituan nga një mandat në zgjedhjet e 9 shkurtit të cilët siç pretendon Kurti do te jenë pjesë e koalicionit qeverisës.
VV fitoi 48 mandate ndërsa qeveria e re kërkon miratim në parlament me të paktën 61 vota.
Komente
