Gjermani Sebastian Vettel ka siguruar Pole Position-in në provat zyrtare të Çmimit të Madh në pistën e Hockenhaimit, në Gjermani. Piloti i Ferrarit ishte më i shpejti në pistë me kohën 1’11″212, duke lënë pas finlandezin e Mercedesit, Valteri Bottas.
Pas Bottas, makina e tretë në radhë ishte ajo e Ferrarit, drejtuar nga Kimi Raikkonen. Përsa i përket kampionit në fuqi Lewis Hamilton, gara për të nuk shkoi aspak mirë pasi u detyrua të tërhiqej që në raundin e parë kualifikues, për shkak të një problemi në makinë dhe do të niset nga vendi i 14-të në garën zyrtare.
Aktualisht piloti i Ferrarit kryeson kampionatin me 171 pikë, i ndjekur nga kampioni në fuqi i botës, Hamilton me 163 pikë.
Komento
Komente
