Një ishull i izoluar brazilian ku lindja është e ndaluar, është duke festuar lindjen e foshnjës së parë në 12 vite.
Ishulli Fernando de Noronha është 370 kilometra larg qytetit Natal, ka 3 mijë banorë, mirëpo nuk ka asnjë repart të lindjes.
Nënat shtatzënë duhet që të udhëtojnë për në qytet që të kujdesen për lindjen. Një grua, e cila nuk dëshiron të jetë e njohur për publikun, ka lindur këtë të shtunë në ishull.
Ajo thotë se nuk ka e ka ditur se ka qenë shtatzënë dhe ka mbetur e shokuar.
“Të premten mbrëma unë kisha dhimbje, shkova në banjë dhe pashë që po lindja”, citohet të ketë thënë 22 vjeçarja, raporton BBC.
Foshnja e gjinisë femërore u dërgua më pas në spital. Për ta festuar këtë lindje të rrallë, banorët po ndihmojnë familjarët duke u dhuruar atyre rroba për vajzën.
Ky ishull ka disa prej plazheve më të bukura të botës, dhe është i njohur për jetën e egër në parkun nacional detar të Brazilit.