Edison Ziu është baba i dy fëmijëve të mitur dhe me një pagë prej 26 000 lekësh në muaj mban familjen me 6 anëtarë.
Përpos ekonomisë së varfër, kjo familje nga Berati është duke u përballur me një problem më të madh. Më i vogli, Enkeledi që sapo ka mbushur 15 muaj, vuan nga një sindromë të rrallë e quajtur "Rizopatia".
“Problemi i djalit tim është që vuan nga ka një sëmundje, një sindromë Rizopotik. Ka qenë i shtruar në shumë raste i shtruar në Tiranë, në spitalin e Beratit po nuk kemi marrë asnjëherë ndihmë. Kërkojmë ndihmë qoftë shteti apo privat pasi çdo prind këtë veprim do bënte”, shprehet babai Edison Ziu
Foshnja ka zhvillim të vonuar fizik dhe është shtruar disa herë në Qendrën Spitalore Universitare "Nënë Tereza".
“Doktoresha më ka thënë që shërbimet që fëmija kërkon spitali shtetëror nuk i ofron dot, këto bëhen vetëm tek privati të cilat kushtojnë. Unë si baba për fat të keq gjendja ekonomike është shumë e keqe. Kushdo që më dëgjon shtetëror apo privat Allahu jua shpërbleftë të më ndihmojë”, shprehet Edison Ziu.
“I bëj thirrje kushdo që ka mundësi të më ndihmojë” shprehet mamaja e fëmijës së sëmurë.
Përmes mikrofonit të Report tv, Edison Ziu tregon se mjekët e QSUT nuk i kanë dhënë shpresë për shërimin e djalit, ndaj kërkon donacione për ta kuruar në spitale private brenda apo jashtë vendit.
Komente
Ketu te shkojne Edi ,Luli , Monika , Erjoni te japin ndihme dhe jo te dalin rrugeve duke bere propagande sa na e kane sjelle ne maje te hundes palacot
Përgjigju