Flori Protoduari është protestuesit që tentoi të godasë kryeministrin Edi Rama me këpucë te Spitali i Traumës. Kreu i qeverisë vizitoi efektivët e plagosur në protestën përpara Kuvendit, ndërsa gjatë prononcimit për mediat, në drejtim të tij u gjuajt një këpucë, e cila u shmang nga punonjësit e Gardës. "Shqiptarja.com" ka siguruar foton e personit që gjuajti këpucën, ndërsa nuk është e qartë nëse është banor i "Unazës së Re" apo militant i Partisë Demokratike.
Në ditën e 19-të të protestës, banorët e "Astirit" organizuan një protestë të dhunshme përpara Kuvendit, ku mbetën të plagosur 13 punonjës policie, ndërsa efektives së "Shqiponjave", Ina Nuka, i këputi dy gishtat e dorës kapsolla e hedhur nga një protestues. Mes protestuesve të dhunshëm, krahas banorëve të "Astirit", kishte edhe mbështetës të Partisë Demokratike.
Lajmi kryesor: