KOPLIK- Një aksident i rëndë është regjistruar paraditen e sotme në zonën e quajtur pranë rotondos, në hyrje të qytetit të Koplikut, ku për pasojë humbi jetën një person dhe mbetën të plagosur 2 të tjerë.
Në aksident janë përfshirë një automjet tip “Volkswagen” dhe një 'Benz', ku viktimë ka mbetur Durim Lushaj, 45-vjeç, i cili ishte pasagjer në automjetin “Volkswagen” . Të plagosur mbetën drejtuesi dhe pasagjeri tjetër i automjetit tip “Volkswagen”, të cilët janë dërguar në spital dhe ndodhen jashtë rrezikut për jetën.
Drejtuesi i automjetit tip “Benz”, një 20-vjeçar me inicialet E.P është shoqëruar në ambientet e Policisë, për veprime të mëtejshme.
Nuk dihen ende shkaqet e aksidentit, ndërsa policia ka nisur hetimet.
Gazetari i Report Tv, Sokol Dema, ka siguruar videon e aksidentit tragjik që ndodhi mesditën e sotme në Koplik.
Nga ky aksident një person humbi jetën, ndërsa dy të tjerë u plagosën rëndë. Viktimë mbeti Durim Lushaj, 45 vjeç, pasagjer në mjet.
Siç shihet qartë në pamjet e siguruara, makina me shpejtësi merr përpara edhe tabelën në anë të rrugës. Më pas, shihen dy persona që vrapojnë drejt makinave të aksidentuara për të dhënë ndihmën e parë.
Komente
Nuk dihen ende shkaqet e aksidentit, ndërsa policia ka nisur hetimet..... jo me sdihen 0o shif pra videon me fakte o dak
PërgjigjuKeto jane parsojat e kanabizimit te Malsis se Madhe nga grupi i mirditorve qe drejtojne komisariatet dhe qarkullimin rrugor te policise se Shkoders....
Përgjigju