KAVAJË - Këtë të premte ka nisur shembja e tribunës kryesore të stadiumit "Besa" të Kavajës. Prej më shumë se dhjetë vitesh impianti që është edhe me sistem ndriçimi është në një gjendje për të ardhur keq, ndërsa pushteti lokal po ndërhyn për ta rikthyer në gjendje funksionale.
Këtë mëngjes në stadium janë parë mjetet e rënda që kanë nisur me shembjen e tribunës dhe pastrimin e gjithë zonës, për t'i hapur rrugë ndërtimit të ri të pjesshëm.
Ky është një realizim i Bashkisë Kavajë, teksa më shumë se një vit më parë edhe kryeministri Edi Rama premtoi se do kishte ndërhyrje,por fakti është se edhe këtë sezon ekipi i Besës që kryeson Kategorinë e Parë i luan ndeshjet jashtë qytetit, një gjendje që ndodh prej shumë vitesh.
Veç tribunës, stadiumi i Besës në Kavajë ka nevojë edhe për fushën e re dhe sistemimin e tribunave të tjera, si edhe ndërtimin nga e para të gjithë infrastrukturës.
Gjendja e stadiumit 'Besa' në Kavajë
Komente
sa keq! ku do kullosin delet dhe dhite e kavajes tani?
PërgjigjuNe luz te vogel ????