Momente nga homazhet në nder te Reyes

Sport

FOTO/ Reyes përcillet në banesën e fundit, mijëra qytetarë marrin pjesë në homazhet e futbollistit

3 Qershor 2019, 17:53| Përditesimi: 3 Qershor 2019, 18:02

  • Share

Rrugët e Sevillia-s sot kanë qenë të mbushur nga admirues të ish-futbollistit Jose Antonio Reyes që të shtunën ndërroi jetë si pasojë e një aksidenti automobilistik. 35-vjeçari është përcjellë në banesën e fundit, por më parë ka marë nderimet e mijëra të pranishmëve.

Në një kishë në qyetin e Sevillia-s fillimisht janë organizuar homazhet për ish-futbollistin e Real Madrid, Arsenal, Sevillia dhe së fundmi Extramadura-s. Në homazhe nuk mungoi as djali i tij 11 vjeçar, Jose Antonio, i cili ishte së bashku me ish-gruan e futbollistit.

Një detaj që i emocionoi të gjithë ishte një foto pranë arkivolit të ish-futbollistit, ku shquheshin  Reyes me dy vajzat e tij, Noelia dhe Triana. Në të shruhej: “të duam babi”.

Gjithashtu një moment shumë i vështirë ka qenë edhe ai i të atit të futbollistit, Francisco Reyes, i cili mbeti shumë i prekur emocionalisht.

Madje gjatë funeralit ai është shoqëruar nga miq dhe të afërm të cilët e mbanin nga krahët. Ndërkohë për t’u veçuar edhe një tjetër detaj, që kishte të bënte me arkivolin që ishte i mbulur me flamurin e Sevillia-s, skuadrës ku Reyes u zhvillua dhe debutoi si futbollist./ Përgatiti Ernest Koçi

Ne.k./ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?