Pas disa ditëve të nxehta në Kosovë, në mbrëmjen e djeshme, në disa fshatra të komunës së Prizrenit ka rënë breshër. Si për çudi edhe forma e tij ka qenë domethënëse për kohën, pasi ngjan me strukturën e koronavirusit.
Sipas disa fotove që kanë publikuar disa qytetarë në rrjetin social 'facebook', shihet se ka rënë shi e breshër në sasi të konsiderueshme.Në fotot e publikuar shihet se madhësia e breshërit është rreth 4 cm.
Moti i keq ka prekur edhe fshatrat: Krushë e Madhe, Krushë të Vogël, Randobravë, Piran, Zojz, Medvec. Raportohet se breshëri ka shkaktuar gjithashtu dëme të konsiderueshme materiale duke dëmtuar shumë serra bujqësore, automjetet, xhamat e dritareve dhe çatitë e shtëpive.
Komento
Komente
