Motori më i madh i kërkimit në Internet, Google në Maqedoninë e Veriut, në shenjë nderimi për viktimat e tragjedisë në Koçan, ka publikuar shiritin e zisë në sajtin e saj.
Google ka shprehur ngushëllimet dhe solidaritetin e saj për viktimat dhe familjet e tyre.
“Mendimet tona janë me viktimat e tragjedisë në Koçan dhe familjet e tyre,” ka shkruar Google në faqen e saj, duke i bashkuar ngushëllimet për këtë tragjedi të rëndë që ka prekur shumë njerëz.
Ky akt simbolik ka tërhequr vëmendjen e shumë përdoruesve të internetit, duke shfaqur një mbështetje të madhe për ata që janë prekur nga ky ngjarje e dhimbshme.
Më 16 mars, 59 të rinjtë humbën jetën pas zjarrit masiv që ra në klubin e natës “Koçani Puls”, ndërsa u plagosën 155 të tjerë. Në diskotekë ishin rreth 500 të rinj, duke ndjekur një performancë nga bendi maqedonas DNA. Mediat vendase raportuan se shkak i zjarri kanë qenë fishekzjarret që janë përdorur brenda në ambientet e lokalit gjatë festës.
Pas shfletuesit më të madh të kërkimit, Google, edhe YouTube ka vendosur shiritin e zi në sajtin e saj në shenjë nderimi për 59 viktimat në Koçan.
Komente
