Nga brigjet italiane malet me borë të Shqipërisë duken si një "dallgë gjigande". Shqipëria shfaqet në momente të caktuara nga brigjet e Salentos, por spektakli i kësaj radhe me malet me dëborë ka lënë pa frymë fqinjët përballë. Fotot janë shkrepur nga Maria Pacoda një fotografe nga Lecce e Italisë, në zonën e Santa Cesarea Terme dhe janë publikuar nga e përditshmja italiane La Repubblica.
"Si një valë deti që përplaset me bregun. Me një shikim të shpejtë kështu të duket, por në të vërtetë është produk i maleve shqiptare të zbardhura nga dëbora që shfaqen në horizont. Jemi në Salento dhe në fotot e Maria Pacodas edhe fokusi ndryshon. Por relievet janë shumë lehtë të dallueshëm edhe në sajë të qiellit të pastër. Kjo nuk është hera e parë që malet shqiptare duken përtej detit", shkruan La Repubblica.
Komente
