FRANCË – Një shqiptar është në mesin e 5 të arrestuarve ditën e djeshme, si të akuzuar për trafik heroine dhe kokaine nga Belgjika dhe Holanda.
Ky grup kriminal vepronte në Savoie dhe Haute-Savoie.
Le Soir e ka cilësuar grupin kriminal si shqiptar, pasi dyshohet se shqiptari i arrestuar ishte drejtuesi.
Vetë prokurorja e rastit, Line Bonnet, ka theksuar se ky grup kriminal vepronte nën dirigjimin e një shqiptari.
Përpos këtyre arrestimeve, janë sekuestruar 3 kilogramë heroinë, një kilogram kokainë, si dhe disa kilogramë produkte prerëse, me një çmim rishitjeje prej 500 mijë eurosh.
U sekuestruan gjithashtu rreth 400,000 euro para të gatshme, automjete luksoze dhe llogari bankare.
Raportohet se shqiptari i arrestuar jetonte në rajonin e Lionit dhe siguronte lëndët narkotike nga Blegjika dhe Holanda, për t’i shitur më pas tek bashkëpunëtorët e tij në Savoie dhe Haute-Savoie.
Hetimet për veprimtarinë kriminale, tashmë, të 5 të arrestuarve që ndodhen në paraburgim, kanë nisur që në vitin 2023.
K.M/ReportTv.al![](https://www.report-tv.al/template/img/antipiracynote.jpg)