Marine Le Pen është dënuar në procesin gjyqësor për keqpërdorimin e fondeve të Bashkimit Europian dhe i është shqiptuar një ndalim pesëvjeçar për të kandiduar në zgjedhje, me zbatim të menjëhershëm. Përveç kësaj, ajo është dënuar me katër vjet burg, nga të cilat dy do t’i vuajë me byzylyk elektronik, dhe me një gjobë prej 100 mijë eurosh.
Gjykatësit vendosën të aplikojnë dënimin maksimal, duke përfshirë dhe ndalimin për t'u zgjedhur, një masë që ka tronditur politikën franceze. Si rezultat, Le Pen nuk do të mund të marrë pjesë në asnjë zgjedhje deri në përfundimin e periudhës së ndalimit, përfshirë presidencialet e planifikuara për majin 2027. Ajo u largua në mënyrë demonstrative nga salla e gjyqit sapo u shpall ndalimi i kandidimit, edhe pse leximi i vendimit nuk kishte përfunduar ende. Më vonë, avokatët e saj deklaruan se do të apelonin vendimin.
Reagimi i Le Pen: "Nuk tërhiqem"
“Ndaj meje është marrë një vendim politik”, komentoi Marine Le Pen në mbrëmje. E intervistuar drejtpërdrejt nga TF1, ajo shtoi: “Besoj se është shkelur totalisht sundimi i ligjit”. Ajo deklaroi: "Miliona francezë janë të indinjuar" dhe e krahasoi vendimin e gjykatës me metodat e një "regjimi autoritar". Sipas saj, ky është një "ditë e zezë për demokracinë franceze", pasi i mohohet miliona qytetarëve mundësia për ta pasur atë si kandidate.
"Magjistrati aplikoi menjëherë mospërshtatshmërinë për të më penguar të marr pjesë në zgjedhjet presidenciale". "Miliona francezë janë të indinjuar , gjyqtarët kanë zbatuar ligjet e një regjimi autoritar, është një ditë katastrofike për demokracinë tonë".
Le Pen gjithashtu vuri në dyshim legjitimitetin e presidentit të ardhshëm të Francës nëse ajo do të shpallej e pafajshme pas zgjedhjeve: "Drejtësia duhet të veprojë shpejt... por do të jetë shumë vonë." Ajo përfundoi duke deklaruar se nuk do të tërhiqet nga jeta politike dhe nuk do të kërkojë mëshirë.
Një tronditje për skenën politike franceze
Ky vendim përfaqëson një goditje të rëndë për partinë e ekstremit të djathtë, vetëm disa javë pas ndarjes nga jeta të themeluesit të saj, Jean-Marie Le Pen. E pranishme në pothuajse të gjitha seancat gjatë dy muajve të procesit, Marine Le Pen e dëgjoi vendimin duke tundur kokën në shenjë mospranimi.
Gjykata e cilësoi rastin si "shmangie të demokracisë", duke vënë në dukje se edhe pse nuk kishte përfitime të drejtpërdrejta personale, fondet ishin përdorur për të pasuruar partinë e saj, në kundërshtim me rregullat e financimit të partive politike.
Akuza i referohet periudhës 2004-2016, kur Front National (tani Rassemblement National) kishte përdorur rreth 7 milionë euro nga fondet e BE-së për të paguar asistentë parlamentarë në Strasburg, të cilët, sipas prokurorisë, në fakt punonin për partinë në Paris.
Në këtë çështje ishin të përfshirë gjithsej njëmbëdhjetë ish-eurodeputetë, dymbëdhjetë asistentë parlamentarë dhe katër bashkëpunëtorë të partisë, si dhe vetë partia si entitet juridik.
Një dënim me ndikim të madh politik
Para shpalljes së vendimit, Le Pen kishte deklaruar se gjykata kishte një "pushtet jetësor" mbi Rassemblement National, partinë më të madhe opozitare në Asamblenë Kombëtare franceze. Ajo ishte e bindur se nuk do të dënohej me ndalim kandidimi dhe e cilësoi këtë masë si një rrezik për demokracinë.
Një sondazh i Ifop për Journal du Dimanche tregonte se nëse zgjedhjet presidenciale do të mbaheshin sot, Le Pen do të kryesonte me 34%-37% të votave, në varësi të kandidatëve të tjerë në garë.
Vendimi për ta shpallur të pazgjedhshme me efekt të menjëhershëm ishte një surprizë, madje edhe për politikanë që nuk janë aleatë të saj. Me këtë vendim, ajo nuk do të mund të marrë pjesë në asnjë zgjedhje, edhe nëse e apelon dënimin.
Marine Le Pen ka drejtuar partinë për mbi dhjetë vjet, pasi e trashëgoi nga i ati, dhe ka synuar ta zhveshë nga retorika e saj më ekstreme, përfshirë elementët antisemitë.
Në teori, Jordan Bardella, presidenti aktual i Rassemblement National, është pasardhësi i saj i natyrshëm. Megjithatë, ky vendim pritet të rihapë luftën për lidership, jo vetëm brenda së djathtës ekstreme, por edhe në të gjithë peizazhin politik francez./ La Repubblica
Dënimi me 4 vite burg i kryetares së partisë së djathtë së Frontit Kombëtar në Francë Marine Le Pen, ka nxitur reagime të shumta e mesazhe mbështetjeje nga krerë të partive të djathta në Evropë.
Ata kanë deklaruar se vendimi është politik dhe kërkon të pengojë Le Pen nga kandidimi për president në Francë në zgjedhjet e vitit 2027. Kryeministri hungarez Orban e zv.kryeministri italian Salvini kanë deklaruar se nuk do ndalen dhe së dënimi është “shpallje lufte” nga Brukseli.
Kryeministri hungarez Orban shkruan: “Je suis Marine!” (Unë jam Marine).
Ndërsa, zëvendëskryeministri italian Matteo Salvini, i partisë Liga tha se nuk do të dorëzohen.
“Ata që i frikësohen gjykimit të votuesve shpesh gjejnë siguri në gjykimin e gjykatave. Ne nuk do të frikësohemi, nuk do të ndalemi', shkruan ai.
Jordan Bardella dhe Marin Le Pen
Jordan Bardella, presidenti i partisë Rassemblement National, po bën thirrje për një mobilizim “paqësor” pas vendimit ndaj Le Pen.
Në një deklaratë, ai e përshkruan dënimin si një “skandal demokratik” dhe thotë se “demokracia franceze po ekzekutohet”.
"Duke ndaluar Marine Le Pen të kandidojë në zgjedhjet presidenciale të vitit 2027, ata po përpiqen ta pengojnë me çdo mjet që të arrijë në Pallatin Élysée," shprehet ai.
"Përmes mobilizimit tonë popullor dhe paqësor, le t’u tregojmë atyre se vullneti i popullit është më i fortë," shton Bardella, duke nxitur ndjekësit e tij në X të nënshkruajnë një peticion mbështetjeje.
Pas dënimit të saj, Marine Le Pen nuk vonoi të bënte apel ndaj vendimit të gjykatës. Megjithatë, ky apel nuk ka asnjë efekt mbi hyrjen në fuqi të pazgjedhshmërisë së saj.
Duke marrë parasysh afatet e zakonshme për caktimin e një date gjykimi, procesi i apelit mund të zhvillohet të paktën pas një viti, me një pritje prej tre muajsh për shpalljen e një vendimi të ri, pra, pikërisht para zgjedhjeve të vitit 2027.
Në apel, Marine Le Pen mund t’i shpëtojë një pazgjedhshmërie të menjëhershme, gjë që teorikisht do t’i lejonte asaj të kandidonte. Por, nga njëra anë, gjyqi duhet të mbahet brenda këtyre afateve të kufizuara dhe, nga ana tjetër, përgatitja e një kandidature në këtë kontekst duket e vështirë.
Në rast të një dënimi edhe në apel, mbetet më pas hapi i rekursit në Gjykatën e Kasacionit, përpara se vendimi gjyqësor të bëhet përfundimtar.
Pas lajmit ka reaguar dhe avokati i saj Rodolphe Bosselut.
"Kjo është një goditje për demokracinë", shtoi avokati në një deklaratë të shkurtër për shtypin përpara selisë së partisë në Paris, përpara se t’i bashkohej klientes së tij.
Komente
Ketu i japim mandat hajduteve, 30 vite kemi qe i mbajme ne pushtet qe te nq vjedhin sistematikisht pa nderprerje.
PërgjigjuTe marri shembull Dumani! Se ndryshe s’e ndalon bufin è vjeter, per veprat penale qe ka bere!
PërgjigjuTe marri shembull Dumani! Se ndryshe s’e ndalon bufin è vjeter, per veprat penale qe ka bere!
PërgjigjuA më mos ja fusni kot. Për 2.9 milion € iku për lesh kjo eee??? Kta tanët dmth po bëkan çmos mos me hy në BE ne se sdo ket burg ti mbaj,.Ktyre 2.9 milion € u bëjn vetëm 2 vilat që kan,imagjino të tjera gjona.
Përgjigjuhahahah dhe jo per vete,i ka perfituar disi partia…tepeleku i kokes
Ka rregulla kooperativa or teeeejjjjj