PARIS- Ka dalë në gjyq 32 vjeçari i akuzuar për vrasjen e vajzës shqiptare që në Francë njihej si Olvia dhe shfrytëzohej për prostitucion. 37-vjeçarja, Brunilda Kovaçi Sadushi u gjet e pajetë më 25 dhjetor 2019 në një pyll larg qendrave të banuara në Mougins të Francës.
Autori pasi kishte kryer marrëdhënie seksuale me të në makinë natën e Krishtlindjes e mbyti.
Prokurori Anthony Carello kërkoi sot 20 vite burg duke përjashtuar faktin se kemi të bëjmë me një ‘përbindësh’ por ende nuk dihet motivi i këtij krimi të rëndë, shkruajnë mediat franceze.
Avokati thotë se klienti i tij ishte përdorues i steroideve. Autori u arrestua pas krimit pasi u zbulua nga kamerat.
Avokati kërkoi një dënim më të ulët. Edhe psikologu tha se autori ishte kthyer në një të burgosur model.
Komente
