Francë-Një protestues u plagos këtë të shtunë në Francë përgjatë marshimit të përjavëshëm të "jelekverdhëve". I plagosuri u dëmtua rëndë në sy ndërkohë që po filmonte live në Facebook, fundin e marshimit të kësaj proteste në zonën e njohur si Sheshi i Bastijës.
"Le Monde" ka publikuar dhe identitetin e tij. Ai është Jerome Rodrigues dhe njihet si njeri i afërt me Eric Drouet, një prej udhëheqësve kryesorë të protestuesve “jelekverdhë”.
Jerome Rodrigues publikoi një foto të në llogarinë e tij personale të Facebook menjëherë pas ngjarjes , ku shkruante: "Po humbas syrin tim", duke shkaktuar mijëra reagime të indinjuara nga përkrahësit e tij.
Protestat e "jelekverdhëve" nisën në nëntor të vitit të kaluar. Ata kundërshtonin rritjen e planifikuar për çmimin e karburantit. Kjo rritje u anulua por kauza e tyre u zgjerua duke bërë që të shtrihet në një interval kohor të paparashikuar.
Komente
