57-vjeçari Franco Foda është i përzgjedhuri për të qenë trajneri i përfaqësueses së Kosovës në futboll. Gjermani me origjinë nga Mainzi ka një CV për t'u admiruar, teksa mesditën e sotme udhëtoi nga Viena drejt Prishtinës për të konkretizuar marrëveshjen.
Foda e ka nisur karrierën 22 vite më parë në stolin e Sturm Graz, për të vijuar më pas edhe me Kaiserslauten në Gjermani. Rikthimi në Austri me Grazin ishte i vlefshëm, ku drejtoi për 135 ndeshje nga 2014-2017.
Pas këtij viti, Austria i besoi stolin e kombëtares për pesë vite. Nga 2017 deri në 2022 ai ka qenë pjesë e 48 ndeshjeve në pankinën e austriakëve. 18 ndeshjet në stolin e Zurich kanë qenë të fundit për të në pankinë, teksa nga vera e 2022 nuk ka qenë në detyrë.
Komento
