Në zemër të maleve, dy qytete po rilindin si destinacione turistike, Bulqiza dhe Puka.
Bulqiza, dikur e njohur vetëm për galeritë e kromit sot është kthyer në një vend të preferuar për turizmin e natyrës dhe të aventurës, me malet e larta dhe liqenet e kristalta.
Turistët mund të eksplorojnë peizazhe magjepse, të shijojnë gatimet tradicionale dhe mikpritjen e ngrohtë të banorëve. Hapja e Rrugës së Arbrit e ka afruar Bulqizen me Tiranën, vetëm 30 minuta. Ndaj operatorët turistike janë gati të presin me shume turiste këtë sezon.
Ndërkaq, Puka, e cila gjendet 138 kilometra larg kryeqytetit, njihet si parajsa e fshehur e veriut shqiptar. Puka ofron shtigje të shumta për hiking dhe çiklizëm, pyje të dendura me ah dhe pisha, produkte bio autentike si djathi, mishi dhe reçelërat tradicionale, boronicat e kërpudhat.
Në çeljen e sezonit, drejtoresha e turizmit ne bashki Dhurata Risto u bëri thirrje emigrantëve të rikthehen në vendlindje për të investuar, duke shfrytezuar dhe “paketen e maleve”.
Bulqiza dhe Puka po ndërtojnë identitetin e tyre turistik duke u mbështetur tek natyra, trashëgiminë kulturore dhe mikpritja.
Komente
