HOLANDË- Kërcënimet ndaj tij dhe frika e një sulmi të mundshëm nga një bandë kriminale droge e njohur për autoritetet, kanë bërë që kryeministri i Holandës, Mark Rutte të shtojë sigurinë.
Edhe pse ngjarjet në të cilat përfshihen armë në Holandë janë të rralla, vrasjet lidhur me tregtinë e drogës janë bërë të zakonshme vitet e fundit.
Një burim qeveritar, duke folur në kushte anonimiteti, konfirmoi raportin në gazetën “De Telegraaf”, e cila bri dhe publik lajmin se autoritetet holandeze të sigurisë kombëtare nuk pranuan të komentojnë lidhur me këtë.
Rutte i pyetur për raportin tha se “Siguria dhe mbrojtja janë çështje të cilat nuk diskutohen asnjëherë në publik”.
Kreu i partisë Konservative, që ka për qëllim “goditjen” e krimit të organizuar, ka kërkuar gjithmonë që të mbajë në nivele të kufizuara mbrojtjen personale, që nga fillimi i marrjes së detyrës së tij si kryeministër 11 vite më parë.
Rutte shihet shpesh duke përdorur biçikletën nga shtëpia e tij drejt punës, dhe shpesh takohet dhe bisedon me kalimtarët.
Në korrik të këtij viti, një gazetar i njohur i kronikës së zezë Peter R. de Vries, u qëllua në mes të ditës në Amsterdam.
Komente
