“Frozen” është një ndër filmat viztimorë më të njohur nga fëmijët dhe të rriturit.
Më të vegjlit kanë imagjinuar vendin ku zhvillohet ngjarja e dy personazheve kryesorë dhe në shumë raste do të donin që të jetonin atje.
Hallstat është një fshat i shekullit XVI buzë maleve Salzkammerg në Austri i njohur si vendi që ka frymëzuar filmin e animuar “Frozen” mbretërinë Arendelle, të motrave Elsa dhe Anna.
Edhe pse është shpallur vend i trashëgimisë botërore nga UNESCO që prej vitit 1997, banorët kanë bërë thirrje të dëshpëruar për ndihmë pasi sipas tyre "Instagrami" po u shkatërron fshatin.
Në fshatin alpin jetojnë vetëm 780 persona, por vitet e fundit vendi është “pushtuar” nga turistët, pasi vizitohet në pjesën më të madhe të kohës nga 10 mijë vetë në ditë.
Fshati nisi të tërhiqte vizitorë që kur u shfaq në një emision për turizmin në Korenë e Jugut në vitin 2006, ndërsa pas suksesit të filmit “Frozen” në vitin 2013, popullariteti i Hallstatt u shumëfishua.
Turistët, të magjepsur nga bukuria e vendit bëjnë selfie, fotografitë e dasmës apo çojnë aty vogëlushet e tyre por kryetari i bashkisë, Alexander Scheutz, u është lutur që të qëndrojnë larg fshatit dhe madje ka mbyllur edhe rrugët për të mos i lejuar të futen brenda.
“Hallstatt është një pjesë e rëndësishme e kulturës historike, nuk është muze. Duam të pakësojmë me të paktën 1/3-tën numrin e turistëve, por nuk kemi se si t’i ndalojmë”, ka thënë ai.
Në nëntor të viti që lamë pas, një zjarr shkatërroi disa ndërtesa në bregdetin e Hallstatt.
"Ata duhej të punonin për të rregulluar dëmin dhe për këtë arsye ishte më mirë, të kishin më pak turistë këtu në Hallstatt", thotë Knoll.
Por kjo nuk i ndaloi turistët që të mos e vizitonin ishullin magjepsës.
Kryetari Schuetz, kohët e fundit tha se dëshironte që turizmi të zvogëlohej të paktën një e treta.
Komente
