Trajneri i kombëtares shqiptare, Kristian Panuçi ka dalë këtë të hënë në konferencë për mediat në ambientet e FSHF, përpara se të zhvillohet ndeshja me Skocinë. Në këtë konferencë për shtyp, ajo çfarë ka tërhequr vëmendjen e gazetarëve ka qenë mungesa e zëdhënësit për shtyp, Gerti Çarçanit. Ky i fundit është larguar nga ky post dhe lajmin e ka dhënë pikërisht trajneri Panuçi.
Ai filloi madje të bënte edhe batuta me gazetarët, duke shkaktuar të qeshura në sallë. “Ka ikur Çarçani, edhe pak do hapim audicionet për postin e zëdhënësit të ri. Por duhet të paraqiteni me mini-fund e me taka”, komentoi ai.
Rrethanat e këtij ndryshimi në stafin e FSHF-së nuk dihen ende, pasi sikurse dihet, Çarçani në vitet e fundit ka mbuluar të gjithë departamentin e informimit të publikut në institucionin e futbollit shqiptar.
Komente
