Në zyrat e Federatës së Futbollit është realizuar një takim me Tifozat Kuq e Zi, ku i pranishëm ishte edhe zv.Drejtori i Përgjithshëm i Policisë së Shtetit, Gjovalin Loka.
Armand Duka, së bashku me zyrtarët e Policisë së Shtetit, dhe përfaqësuesve të grupimit “Tifozat Kuq e Zi” gjetën dakordësi për shumë pika diskutimi, për të qenë gjithmonë në një atmosferë ku manifestimet në stadium të jenë korrekte.
Ndërkaq, zv.Drejtori i Përgjithshëm i Policisë së shtetit theksoi domosdoshmërinë e zhvillimit të një takimi të tillë. Ai garantoi përfaqësuesit e Tifozave Kuq e Zi korrektësinë e uniformave blu. Në vijimësi do të ketë sërish takime të tjera mes palëve për të specifikuar çdo gjë, në mënyrë që klima e bashkëpunimit të mos cënohet nga asnjë faktor.