KUKËS- Fundjava i ka rikthyer sërish shqiptarët e Kosovës në bregdetin shqiptar! Kur ora ka shënuar rreth 08:00 e mëngjesit, kanë hyrë në Shqipëri rreth 10 mijë automjete me më shumë se 25 mijë qytetarë përmes pikës kufitare të Morinit.
Për këtë arsye, policia kufitare i është dashur të ngrejë trarët e të punojë me procedurë të përshpejtuar, por ka qenë e pamundur shmangia e radhëve të gjata dhe orëve të tëra pritjeje.
Si pasojë e koronavirusit, sezoni veror është zgjatur edhe përgjatë muajit shtator që është përkthyer edhe më shumë shqiptarë kosovarë që vizitojnë vendin tonë. Operatorët turistik shprehen të gjithë njëzëri se kanë qenë pikërisht ata që kanë mbajtur "gjallë" turizmin në periudhë pandemie, me shpenzime që variojnë përafërsisht 20-30 euro për person në ditë.
