Një autobus është përmbysur në aksin Fier- Levan. Policia e Fierit bën me dije se në automjet ndodhej vetëm drejtuesi i cili dyshohet se ka humbur kontrollin e mjetit për shkak të lagështirës në rrugë.
Ai është transportuar drejt spitalit Rajonal Fier, për të marrë ndihmën mjekësore.
"Mëngjesin e sotëm, në aksin rrugor "Fier-Levan", shtetasi J. M., 57 vjeç, banues në Berat, duke drejtuar automjetin tip autobus, (në të cilin ndodhej vetëm drejtuesi i automjetit), dyshohet se ka humbur kontrollin mbi drejtimin e automjetit dhe për pasojë automjeti është përmbysur. Si pasojë është dëmtuar lehtë drejtuesi i automjetit i cili ka shkuar për të bërë ekzaminimet mjekësore në spital", njofton Policia e Shtetit.
Materialet procedurale iu referuan Prokurorisë së Fierit, për veprime të mëtejshme.
Komente
