Uji me orar vijon të shoqërojë pjesën më të madhe të bashkive në vend, dhe premtimi i kahershëm për furnizim 24 orë në të gjithë Shqipërinë duket ende i largët për t’u realizuar.
Referuar Entit Rregullator të Ujit për vitin 2024, rezulton se kohëzgjatja mesatare e furnizimit me ujë në rang kombëtar është 17.3 orë/ditë. Situata më problematike i takon 2 bashkive të qarkut të Tiranës, Kamzës dhe Vorës.
Rreth 96 mijë banorë të bashkisë së Kamzës kanë ujë vetëm 4 orë në ditë, dhe dyfish më shumë, me 8 orë në ditë ujë të pijshëm është Vora që ka 21 mijë banorë. Të dy ujësjellësit e këtyre bashkive do të bashkohen me atë të Tiranës, por ende nuk është finalizuar riorganizimi i tyre siç ka ndodhur me 14 ujësjellësit e tjerë qendror që tanimë janë licencuar.
Në raport ERRU thotë se furnizim me ujë 24 orë në ditë ofron vetëm Lezha. Ndërsa shoqëritë e Ujësjellës-Kanalizimevë në Korçë, Berat, Gjirokastër, Pogradec, Shkodër, Sarandë dhe Dibër furnizojnë me ujë të pijshëm 20-24 orë në ditë. 4 shoqëri të tjera, përfshirë edhe Tiranën, kanë ujë 13-20 orë në ditë.
Problem në vend mbetet edhe uji pa të ardhura. Edhe pse shifrat flasin për përmirësim, sërish vitin e shkuar 61.1% e ujit në vend nuk u faturua.
“ERRU i ka rekomanduar shoqërive UK se duhet t’i kushtojnë vëmendje të veçantë pajisjes 100% të konsumatorëve me matës në mënyrë që konsumatorët të paguajnë volumin real të ujit të konsumuar, por edhe për faktin se faturimi aforfe lë hapësirë për shpërdorimin e ujit nga konsumatorët për ujitje, veçanërisht ato të shtëpive private dhe zonave rurale”, thuhet në raport.
Kliko këtu për të lexuar dokumentin e plotë
Komente
po cfare flisni ju. Tek rruga Kongresi i Lushnjes, Pallati 41, ka 4-5 dite qe nuk vjen fare uje. edhe para ketyre diteve, vinte nje here ne 3 dite edhe mbase edhe me rralle. Albanistan hesapi.
PërgjigjuFutja e paskuqanit dhe liqeneve (ne fakt rezervareve ujites) te zones Veriore me kamzen Nikla dhe ato zona ary diku keto rezervuare te rimodelohen me modifikime te filtrohet uji dhe te jete i shperndare per perdorim larje etj ose te rifiltrohet dhe te kthehet uje te pijshem per 3-4 lagje dhe biznese kjo i jep nje opsion pasi Kamza nuk ka me bujqesi ndaj ujisim shtepi dhe Apartamente me uje te pijshem
PërgjigjuS'DUA TA DEGJOJ ME FJALEN KAMEZ...
Përgjigju