Ndërsa presidenti PE-së David Sassoli ngjiste shkallët e selisë së Partisë Demokratike për të zhvilluar takimin e rradhës me ish-opozitën, vendin e kryetares së LSI-së në atë takim e kishte zënë Klajda Gjosha. Kjo për faktin sepse Monika Kryemadhi sipas burimeve nga partia e saj “gjendej në SHBA, për një vizitë pune”. Por ja që lajmi vjen më shpejt se era sot, dhe u mësua se Monika na paskësh nisur “fushatën elektorale”, duke mbledhur shqiptaro-amerikanët dhe duke i “sqaruar” ata, për situatën politike në Shqipëri.
Në prani të afro 300 të pranishmëve, të gjithë shqiptarë me banim në SHBA, Monika Kryemadhi ka përcjellë “mesazhe ndjese dhe pikëllimi”, që si politikane “është treguar e pavëmendshëm dhe indiferente për të realizuar reformat ekonomike dhe avancuar me shpejtësi në integrimin e vendit, për të bërë të mundur ndaljen e shpopullimit dhe hemoragjinë e trurit dhe të pjesës më energjike të Shqipërisë rinisë sonë, që i kushton shumë kombit dhe vendit”. Monika Kryemadhi u ka folur shqiptaro-amerikanëve, për “iniciativën që LSI po përgatit për rikthimin e të rinjve dhe të rejave nga emigrimi”, dhe duke u premtuar atyre se “pas ardhjes në pushtet, ne do të ulim taksat, do të rrisim pagat, do të subvensionojmë bujqësinë, arsimin , shëndetsinë, ndaj të rinjtë duhet të kthehen në Shqipëri”.
Nuk dihet sepse në vajtjet e saj të shpeshta në SHBA, Monika Kryemadhi shpesh reklamon “fushatat” e saj me shqiptaro-amerikanë që jetojnë dhe punojnë atje prej dekadash. Në postimet e saj, dhe burimet nga selia e partisë saj, dalin informacione se “kryetarja Kryemadhi , ka zhvilluar takime të sukseshme në Nju-Jork me anëtarë të komunitetit shqiptar, duke sqaruar situatën politike në Tiranë, dhe duke i ftuar ata të rikthehen në atdhe menjëherë sapo pushtetin ta marrim ne opozita”.
Pra, Monika pasi ka “sqaruar dhe rigrupuar mbështetësit e saj” (që tanimë e kanë braktisur përfundimisht atë parti) në Shqipëri, tani po nis fushatën për të rikthyer, ata që kanë dekada që jetojnë dhe punojnë në Shtetet e Bashkuara të Amerikës, kur LSI dhe PD të marrin pushtetin. Në fakt , fushata e Monikës edhe me bashkatdhetarët tanë që jetojnë në SHBA, më ngjet me spektaklet e Cekes së Beratit, që në turet e tij jashtë vendit, duhet pranuar se ka patur sukses, por ama si aktor humori.
Duke u munduar të prezantojë një Shqipëri “ndryshe” , duke nxirë gjithçka dhe spekulluar me realitetin,dhe duke kujtuar se ata në SHBA, nuk janë në dijeni për asgjë, Monika Kryemadhi, po gajas së qeshuri të madh dhe të vogël në takimet e saj elektorale. E po, të ngrihesh nga Tirana dhe të nisesh për Nju-Jork, sepse duhet të “sqarosh politikisht” nja 300 bashkatdhetarë, për tu mbushur mëndjen atyre të “rikthehen në atdhe” sepse “unë Monika dhe Lulzimi po bëhemi gati të vijmë në pushtet”, kjo i kalon kufijtë e batutave të Cekes.
Monika, fushata në SHBA me 300 shqiptaro-amerikanët e Nju-Jorkut, nuk është njëlloj si fushata me banorët e Belshit. Mos i ngatërro “pa dashje” gjërat, por mundohu të fitosh të paktën 1 mandat deputeti (mandatin tënd) në 2021 në Shqipëri, për tu bërë e besueshme pastaj edhe me komunitetin e shqiptarëve të Nju-Jorkut.
Komente
Fantazmat ma mbushin me genjeshtra
PërgjigjuPo nuk vete ajo per takime me komunitetin se asaj s'ja rras kush ne Shqiperi jo me ne SHBA, ato foto jane thjesht mbulese. Kushedi ç'hall te vetin ka. Ulet ne New York, ben nje takim per sy e faqe dhe me pas fluturon ne ato shtete qe jane tax heaven dhe ku kane fshehur parate.
Përgjigju