Fushë-Arrëz- Një punonjës i Bashkisë së Fushë Arrëzit është arrestuar nga policia, pas një kallëzimi për përndjekje dhe shpërdorim detyre.
Burime zyrtare nga Policia e Shkodrës bënë me dije se i ndaluari është P. L., 61 vjeç, që akuzohet se ka fyer dhe përndjekur në mënyrë të përsëritur kolegun e tij A. D., si dhe familjarët e këtij të fundit.
Ai dyshohet gjithashtu për falsifikim dokumentesh zyrtare. Policia ka nisur hetimet për zbardhjen e plotë të ngjarjes.
"Specialistët për Hetimin e Krimeve të Stacionit të Policisë Fushë Arrëz arrestuan shtetasin P. L., 61 vjeç, banues në Fushë Arrëz, punonjës i bashkisë Fushë Arrëz, pasi ka kallëzuar shtetasi A. D., 38 vjeç, punonjës i bashkisë Fushë Arrëz, se 61-vjeçari, në mënyrë të përsëritur, ka fyer dhe ka përndjekur në rrjete sociale, 38-vjeçarin dhe familjarët e tij, si dhe ka shpërdoruar detyrën dhe falsifikuar dokumente zyrtare. Vijojnë hetimet mbi këtë kallëzim", njoftoi policia.
Hetimet e mëtejshme i kaluan prokurorisë vendore për veprime të mëtejshme.
Komente
