Iliria e Fushë-Krujës fitoi të shtunën 3-1 kundër Murlanit për javën e 12-të në grupin A të Kategorisë së Dytë. Në stadiumin "Redi Maloku" klima nuk ka qenë e qetë, me miqtë e Murlanit që akuzojnë për dhunë dhe presion nga shkallët e stadiumit.
Veç saj, klubi me bazë në afërsi të Shkodrës njofton se tifozët kaluan rrethimin dhe u futën në fushë, kjo pas minutës së 60-të kur Hasaj shënoi golin e barazimit momental te miqtë.
"Ndeshja Kf Ilira -Kf Murlani! Asnjë gazetë sportive nuk flet per dhunen e ushtruar dje ne fushë kundrejt lojtarve te Murlani dhe stafit. Flitet vetëm për një triumf një ndeshje nën një presion dhe të shara kundër djemve të skudrës. Mbas barazimit 1-1 na ndaluan të festonim dhe ndeshja ndërpritet për 10 minuta, nga të gjitha anët e stadiumit njerëz që hyn në fushë së bashku me presidentin e Ilirisë.
Delegatët e ndeshjes bashkë me arbitrat pa mujt të zotërojnë situatën e krijuar në fushë. Policët që rrië e bën sehir në momentin e kërcenimit të lojtarëve dhe stafit të Murlanit", thuhet mes të tjerash në reagim.
Murlani akuzon edhe organet e rendit që nuk reaguan në atë situatë, duke "bërë sehir" momentet kur miqtë sipas tyre u kërcënuan dhe loja u ndërpre për dhjetë minuta.
