Policia e Tiranës ka vendosur në pranga ditën e sotme 33-vjeçarin F.D banues në Kamëz të shpallur në kërkim 3 ditë më parë në kuadër të operacionit ‘Formacioni’. I arrestuari ishte shpallur në kërkim si pjesë e një grupi kriminal që që kanë vjedhur dy biznese në Tiranë.
Uniformat janë duke punuar për të arrestuar dhe personin e fundit të shpallur në kërkim. Materialet procedurale iu referuan Prokurorisë së Tiranës, për veprime të mëtejshme.
Njoftimi i Policisë së Tiranës:
Fushë Krujë/Vijon operacioni policor i koduar “Formacioni”.
Lokalizohet, kapet dhe vihet në pranga një tjetër pjesëtar i grupit, i shpallur në kërkim 3 ditë më parë, në kuadër të këtij operacioni.
Si rezultat i kontrolleve të pandërprera nga shërbimet e Komisariatit të Policisë Krujë, bazuar në informacionet e marra nga inteligjenca policor, u kap dhe u ndalua shtetasi F. B(D)., 33 vjeç, banues në Kamzë.
Ky shtetas ishte shpallur në kërkim më datë 02.04.2025, në kuadër të operacionit “Formacioni”, sepse dyshohet se në bashkëpunim me 6 shtetas të tjerë, kanë vjedhur në 2 biznese në Fushë Krujë, më datat 27 dhe 28 mars 2025.
Punohet për kapjen e shtetasit të fundit të shpallur në kërkim në kuadër të operacionit, si dhe për zbardhjen e vjedhjeve të tjera që mund të kenë kryer këta shtetas.
Materialet procedurale iu referuan Prokurorisë së Tiranës, për veprime të mëtejshme.
Komente
