Princeshë Diana ka pasur një stil ndryshe në të veshur dhe në shumë raste ka surprizuar me daljet e saj.
Sipas "The Independent", fustani i zi i princeshë Dianës do të dalë në ankand për 450 mijë dollarë.
Këtë fustan ajo e veshi për herë të parë në një darkë në Shtëpinë e bardhë në vitin 1985 dhe u fotografua duke vallëzuar me aktorin e njohur John Travolta.
Fustan është prej kadifeje dhe është krijuar nga stilisti Victor Edelstein, i cili kishte një marrëdhënie të mirë me Dianën.
Ajo e veshi dhe tri herë të tjera në daljet e saja publike, në një vizitë shtetërore në Austri në vitin 1986, një natë në Shtëpinë Mbretërore të Operës në vitin 1991 dhe për portretin e saj nga Lord Snoëden në vitin 1997.
Këtë fustan Diana e nxorri në ankand para se të vdiste me një vlerë prej 100 mijë paund për të mbledhur fonde për personat që vuanin nga Sida.
Biznesmenja Maureen Dunkel e bleu fustanin dhe e mbajti derisa falimentoi në vitin 2011.
Ajo e nxori veshjen në ankand por nuk u shit.
Në fund të marsit 2013, fustani u ble nga një britanik si dhuratë për të kënaqur bashkëshorten e tij.
Kjo ishte hera e fundit që fustani u nxor në ankand publik.
Fustani do dalë në ankandin Kerry Taylor Auctions në Londër në datën 9 dhjetor.
Komente
