Familja e madhe e futbollit shqiptar ka marrë lajmin e trishtueshëm të ndarjes nga jeta të Bejkush Birçes, për shkak të problemeve shëndetësore. Birçe 81 vjeç, një nga emrat më të mëdhenj të futbollit shqiptar, dha kontribut si lojtar dhe trajner i Kombëtares, ndërkohë që ishte edhe zëvendëspresident i FSHF.
Birçe e kaloi karrierën e tij si futbollist te Partizani, ndërkohë që e drejtoi më pas edhe si trajner, sikurse bëri me Naftëtarin, Flamurtarin, Lokomotivën e Durrësit dhe Dinamon. Gjithashtu, ai mbahet mend si një nga trajnerët më të shquar të Kombëtares, teksa drejtoi kuqezinjtë në vitet ’90, në një periudhë të vështirë për vendin.
FSHF i shpreh ngushëllimet më të sinqerta familjes, së afërmve dhe miqve të Birçes për këtë humbje të madhe! Edhe Presidenti i FSHF-së, Armand Duka me një postim në rrjetet sociale ka shprehur trishtimin e tij për këtë humbje dhe u ka shprehur ngushëllime familjarëve dhe miqve të Bejkush Birçes.
“I pikëlluar pas lajmit të ndarjes nga jeta të Bejkush Birçes! Kemi humbur një nga njerëzit me më shumë kontribute në futbollin shqiptar, si lojtar, trajner e drejtues në FSHF. Kemi humbur një njeri me karakter të fortë, një mik dhe një familjar shumë të mirë. Në emrin tim dhe të komunitetit të futbollit shqiptar, dua t’i shpreh ngushëllimet e mia familjes, së afërmve dhe miqve, të cilët kanë humbur një njeri shumë të dashur për ta. U prehsh në paqe Bejkush Birçe!”, – shkruan Presidenti Duka në statusin e tij.
Homazhet për Bejkush Birçen do të zhvillohen ditën e hënë në ambientet e stadiumit “Air Albania”, duke nisur nga ora 11:00.
SI.E./ReportTv.alKomente
I pērjetshėm qoft kujtimi trajner i madh dhe mbi tē gjitha njeri shum i mir. Respekt.
PërgjigjuPUSHOFSH në PAQE LEGJENDA BEJKUSH ❤️ BIRÇE !! NGUSHËLLIME FAMILJARÈVE dhe RROFSHI dhe e KUJTOFSHI përjetë LEGJENDËN BEJKUSH BIRÇE ????????????????????????????????????????????????????????????????????????????????????
PërgjigjuI perjetshem kujtimi I te madhit trainer I kombetares dhe Partizanit Bejkush Birce.Ishte nje njeri serioz korrekt dhe I ndershem.Nuk mund te vijne me njerez te tille ne boten e futbollit Shqipetar.I perjetshem qofte kujtimi I tij.
PërgjigjuI PËRJETSHËM KUJTIMI IPROFESORIT(PREJ SË VËRTETI) TË EDUKIMIT FIZIK.MBI TË GJITHA I EDUKATORIT E NJERIUT TË MIRË.TI ROJNË TË TËRË PJESTARËT E FAMILJES DHE TË ECNI NË GJURMËT E TIJ.
Përgjigju